चुनावका लागि गठबन्धन बनेको थिएन, गठबन्धनमा तित्तता छैन : प्रचण्ड

जनकपुर । नेकपा माओवादी केन्द्रका अध्यक्ष प्रचण्डले चुनावमा हार्ने निश्चित भएपछि माओवादीले गठबन्धन गर्न चाहेको कुरा गलत भएको बताएका छन् । जनकपुरधाममा पत्रकारहरुसँग कुरा गर्दै प्रचण्डले गठबन्धन बनाउने कार्यको नेतृत्वदायी भूमिका खेलेका कारण गठबन्धनको पक्षमा माओवादी रहेको स्पष्ट पारे ।

उनले देशभरीको रिपोर्टका आधारमा गठबन्धन नगरि चुनाव जित्न नसकिने अवस्थामा माओवादी नरहेको दाबी गर्दै आफ्नै खुट्टामा चुनाव जित्न माओवादी सक्षम रहेको बताए । उनले गठबन्धनको विषयमा गठबन्धन दलका शिर्ष नेताहरुमा कुनै तित्तता नभएको बताउँदै संबिधानको रक्षा, लोकतन्त्रको रक्षा र परिवर्तनको रक्षाका लागि गठबन्धन बनेको स्पष्ट पारे । चुनावका लागि गठबन्धन नबनेको प्रचण्डको भनाई छ ।

प्रचण्डले मुलुकमा अहिले सबै भन्दा बढी त्याग गर्ने पार्टी माओवादी नै भएको दाबी गर्दै गठबन्धनका दलहरुलाई माओवादीले त्याग गर्दै सहयोग गर्दै आएको पनि जिकिर गरे । ‘देउवाजीले महाधिवेशनमा सहयोग चाहियो भन्नु भो, माधवजीले हामी त भर्खर जन्मेको पार्टी सहयोग चाहियो भन्नु भयो हामीले ग¥र्यौं,’ उनले भने, -‘ माओवादी अरु पार्टीलाई नै सहयोग गर्ने र प्रधानमन्त्री बनाउने पार्टी जस्तो बनेको छ ।’ मन्त्रिपरिषद हेरफेर भए माओवादीले हैसियत अनुसार स्थान खोज्ने प्रचण्डको भनाई छ ।