बुटवल । अन्ततः नेत्रबिक्रम चन्द ‘विप्लव’को स्थानीय चुनाव उपयोग गर्ने प्रस्ताव विफल भएको छ । विप्लव नेतृत्वको नेकपाको केन्द्रीय समिति बैठक लम्ब्याउँदै चुनावका पक्षमा केन्द्रीय नेताहरुको बहुमत पुर्याउन विप्लव र अकार् नेता खड्कबहादुर विश्वकर्मा ‘प्रकाण्ड’ले प्रयत्न गरेपनि बहुमत नपुग्ने देखिएपछि घुमाउरो पारामा चुनाव उपयोग गर्ने निर्णय गरिएको छ ।
नेकपाका एक नेताका अनुसार नेकपा सिधै पार्टीका नामबाट चुनावमा नगएपनि पार्टी निकट व्यक्तिहरुलाई स्वतन्त्ररुपमा निर्वाचनमा पठाउने छ भने कतिपय स्थानमा विचार मिल्ने अन्य दलका नेताहरुको पार्टीले समर्थन गर्ने छ । नेकपाको ६९ सदस्यीय केन्द्रीय समितिमा ४४ जना विप्लवको विपक्षमा उभिएका थिए ।
‘अव नेकपाले चुनाव बहिस्कार गर्ने छैन र पार्टीगत सहभागिता पनि जनाउने छैन,’ ती नेताले भने, -‘भ्रष्टाचरमा लिप्त नभएका, स्वच्छ र निश्कलंक व्यक्तिलाई पार्टीले समर्थन गर्ने छ ।’ उनले नेकपा सत्ताको विपक्षि भएपनि चुनावको विरोधी नभएको बताए ।
प्रतिक्रिया