काठमाडौं । काठमाडौंको थापागाउँमा रहेको सर्टिफाईड कलेज अफ एकाउण्टेन्सी (सीसीए)ले करियर काउन्सिलिङ फर एब्रोड स्टडी (एसीसीए रुट) विषयक एकदिने कार्यक्रम सम्पन्न गरेको छ ।
लर्निङ पार्क एजुकेशन सर्भिसेसको सहकार्यमा काठमाडौंमा सम्पन्न कार्यक्रममा एसीसीए पढिरहेका करिब ५ सय विद्यार्थी सहभागी थिए ।
सहभागी विद्यार्थीले आफ्नो एसीसीए यात्रालाई अन्तराष्ट्रिय स्तरमा लान चाहने विद्यार्थीका लागि करियर काउन्सिलिङ कार्यक्रम निकै उपयोगी रहेको बताएका थिए ।
अन्तराष्ट्रिय कोर्ष एसीसीएबाट पासआउट भएका विद्यार्थीहरुका लागि पछिल्लो समय नेपालका कर्पोरेट संस्थाहरुमा स्कोप बढ्दै गएको छ । अझ विदेश गएर अकाउण्टेन्सीमै आफ्नो करियर बनाउन चाहेका विद्यार्थीहरुका लागि त एसीसीए महत्वपूर्ण कोर्ष बनेको छ ।
करिब ३ वर्षमा सकिने एसीसीएका विद्यार्थीहरुले नेपालसँगै विश्व बजारमा समेत आफ्नो भविष्य बनाउन सक्छन् । नेपालमा बसेर एसीसीए पढ्न खर्च कम लाग्ने र आफु अनुकुल समयमा पढ्न समेत सकिने भएका कारण विद्यार्थीहरुका लागि यो कोर्ष पहिलो रोजाई बन्न थालेको हो ।
नेपालमा एसीसीए पढ्न सुरु गरेका विद्यार्थीहरु विश्वको जुनसुकै देशमा गएर पनि सहज रुपमा आफ्नो पढाईलाई निरन्तरता दिन सक्छन् । यसै कुरालाई मध्यनजर गर्दै सीसीएले करियर काउन्सिलिङ फर एब्रोड स्टडी (एसीसीए रुट) कार्यक्रम गरेको हो ।
अकाउण्टेन्सी फिल्डका विद्यार्थीले अन्त्यन्तै रुचाएको एसीसीए अध्यापनमा सीसीए अग्रणी रहेको छ ।
प्रतिक्रिया