काठमाडौं । कोरोना भाइरसको महामारी कारण सुस्ताएको पर्यटन क्षेत्र तंग्रिन थालेको छ भने पर्यटक आउने क्रम पनि बढेको छ ।
नेपाल पर्यटन बोर्डले सन् २०२२ को मार्चमा ४२ हजारभन्दा बढी विदेशी पर्यटक आएको जनाएको छ । जबकि, अघिल्लो वर्ष सन् २०२१ को मार्चमा १४ हजार ९७७ पर्यटक नेपाल आएका थिए ।
यो वर्षको मार्चमा पर्यटकको आगमन कोरोना महामारीपछि सबैभन्दा बढी हो । यो वर्षको सुरुआती महिनादेखि निरन्तर रूपमा विदेशी पर्यटक आगमन बढिरहेको छ ।
सन् २०२२ को जनवरीमा १६ हजार ९७५ र फेब्रुअरीमा १९ हजार ७६६ विदेशी पर्यटक नेपाल भित्रिएका छन् ।
नेपालमा हिमाल आरोहणको सिजन भएकाले पनि विदेशी पर्यटक बढेका हुन् । वसन्त यामको हिमाल आरोहणका लागि उल्लेख्य सङ्ख्यामा विदेशी नेपाल आउने गर्छन् ।
प्रतिक्रिया