दिलिप तिवारीको नवौ स्मृति दिवसमा विद्यालयमा शैक्षिक सामग्री

बुटवल । दिलिप तिवारी स्मृति प्रतिष्ठानले बुटवल वडा न १५ स्थित श्री दुर्गा भवानी आधारभुत विद्यालयका विद्यार्थीहरुलाई शैक्षिक सामग्री हस्तान्तरण गरेको छ ।

विद्यालयका प्रध्यानाध्यापक रिता थापालाई स्वर्गीय दिलिप तिवारीका बुबा बालकृष्ण तिवारी, आमा डोम कला तिवारी, दाजु नारायण तिवारी, लिला भण्डारी, पुर्ण चन्द्र तिवारी, रामप्रसाद बन्जाडे, ठाकुर प्रसाद आचार्य, कृष्ण अधिकारीले ६५ हजार रकम बराबरको शैक्षिक सामग्री हस्तान्तर गरेका हुन ।

विद्यालयमा अध्ययरत ७० जना विद्यार्थीहरुलाई खानासमेत खुवाईएको नारायण तिवारीले बताए ।अल्पायुमा मृत्यु भएका दिलिपको स्मृतिमा हरेक वर्ष विभिन्न सामाजिक संघसंस्था, विपन्न, गरिबहरुलाई सहयोग गर्दै आएको उनले बताए । प्रत्येक वर्ष हामीले सहयोग गर्दै आएका छौ । उनले भने ।
एक जना एमबिबिएस अध्ययरत विद्यार्थीलाई निरन्तर छात्रवृत्ति वितरण, रुपन्देहीका विभिन्न अपाङ आश्रम, वृद्धाश्रममा नगद तथा खाद्यान्न सहयोग गर्दै आएको उनले बताए । ध्रुमुश सुन्तली फाउण्डेसनलाई ६५ हजार रुपैया, मानव सेवा आश्रमलाई २५ हजार रुपैया लगायतको रकम सहयोग गरेको उनले बताए ।