काठमाडौं । प्रधानमन्त्री शेरबहादुर देउवाले टाइफाइडविरुद्ध बालबालिकालाई दिइने खोपको उद्घाटन गरेका छन् ।
काठमाडौंको दरबार हाइस्कूलमा बिहीबार बिहान आयोजित एक कार्यक्रममा प्रधानमन्त्री देउवाले खोप अभियानको उद्घाटन गरेका हुन् ।
सो अवसरमा प्रधानमन्त्री देउवाले कोभिड सङ्क्रमण नियन्त्रणमा सफलता पाएजस्तै टाइफाइडमा पनि सफलता पाउने विश्वास व्यक्त गरे । उनले यस अभियानबाट देशका १५ महिनादेखि १५ वर्ष उमेर समूहका करिब ७५ लाख बालबालिका लाभान्वित हुने उल्लेख गरे ।
देशभर सुरु गरिएको खोप अभियान एकमहिनासम्म अर्थात आगामी वैशाख २५ गतेसम्म चल्नेछ । जसअन्तर्गत १५ महिनादेखि १५ वर्ष उमेरसमूहका ७५ लाख बालबालिकालाई खोप लगाइने छ ।
नेपालमा यो खोप पहिलो पटक दिइन लागिएको हो । सरकारले नजिकैको खोप केन्द्रमा गएर खोप लगाउन सबैलाई अनुरोध गरेको छ ।
प्रतिक्रिया