६ मंसिर २०८३, आइतबार | November 22, 2026

राष्ट्रपति भण्डारीद्वारा सेतो मच्छेन्द्रनाथको दर्शन एवं पूजा आराधना



काठमाडौं । राष्ट्रपति विद्यादेवी भण्डारी गएराति १० बजे असन पुगी सेतो मच्छेन्द्रनाथको रथको पूजा आराधना गरी प्रसाद ग्रहण गरेकी छन् ।

प्रत्येक वर्ष चैत्र शुक्ल अष्टमीका दिन दरबारमार्गस्थित तीनधारा पाठशालाअघिबाट सेतो मच्छेन्द्रनाथको रथ तानी असन ल्याएको राति राष्ट्राध्यक्षले पूजा, आराधना एवं दर्शन गर्ने परम्परा छ ।

असनमा पूजा आराधना एवं दर्शनपछि राष्ट्राध्यक्षले प्रसाद ग्रहण गर्ने विधिअनुसार राष्ट्रपति भण्डारी असन पुगेकी हुन् । परम्परा अनुसार राष्ट्रपति भण्डारीले पूजा आराधना गरेको काठमाडौं महानगरपालिका २५ का वडाध्यक्ष तथा सेतो मच्छेन्द्रनाथका पुजारी एवं जात्रा व्यवस्थापन समितिका संयोजक नीलकाजी शाक्यले बताए ।

तीनधारा पाठशालाअघि एक हप्ताअघिदेखि ३२ हात लामो रथ बनाएर चैते दशैँका दिनदेखि तान्ने गरिन्छ। यो रथलाई नागराजको प्रतीक मानिन्छ ।

प्रत्येक वर्ष यो जात्रा गरेपछि देशभर वर्षा र सह हुने धार्मिक विश्वास छ । रथ दोस्रो दिन असनबाट वसन्तपुरस्थित कालभैरवअघि लगिन्छ ।

तेस्रो दिन वसन्तपुरबाट लगन लगेर जात्रा गर्ने परम्परा छ । लगनमा सेतो मच्छेन्द्रनाथको आमाको मन्दिरमा रथ तीनपटक घुमाउने गरिन्छ । रथ लगेर बिसाएका स्थानमा करुणामय भगवान् लोकेश्वरको पूजा आराधनाका लागि भक्तजनहरु जम्मा हुने गर्दछन् ।

सेतो मच्छेन्द्रनाथलाई हिन्दू र बौद्ध दुवै धर्मावलम्बीले विधिपूर्वक पूजा आराधना गर्छन् । काठमाडौंमा सेतो मच्छेन्द्रनाथको रथयात्रा सकेपछि ललितपुरमा रातो मच्छेन्द्रनाथको रथयात्रा हुने गरेको छ ।

प्रकाशित मिति : २७ चैत्र २०७८, आइतबार  ६ : ५९ बजे

Your email address will not be published.

प्रधानमन्त्री बालेन भारत प्रस्थान, लिएनन् सम्मान गारद

काठमाडौं । प्रधानमन्त्री बालेन्द्र शाह बालेन भारत प्रस्थान गरेका छन् ।

सामान्य रूपमा नयाँ दिल्ली प्रस्थान गर्दै प्रधानमन्त्री बालेन

काठमाडौं । प्रधानमन्त्री बालेन्द्र शाह बालेन आइतबार दिउँसो दुई दिने

कोरला नाकाबाट चार महिनामा सात हजार विद्युतीय सवारीसाधन आयात

मुस्ताङ । नेपाल–चीन सीमा कोरलानाबाट चालु वर्षको पहिलो चार महिनामा

मधेश सरकारमा एमाले, कांग्रेस र नेकपा सहभागी नहुने, होला त संसद् विघटन ?

काठमाडौं, ६ मंसिर । मधेश प्रदेशका नवनियुक्त मुख्यमन्त्री सरोजकुमार यादवले

२५ घन्टाका लागि विराजभक्त श्रेष्ठ कार्यवाहक प्रधानमन्त्री

काठमाडौं । प्रधानमन्त्री वालेन्द्र शाह, अर्थमन्त्री स्वर्णिम वाग्ले र परराष्ट्रमन्त्री