आइएमई जनरल इन्स्योरेन्स लिमिटेडका सीईओ श्रेष्ठ आउटस्ट्यान्डिङ म्यानेजमेन्ज अवार्डबाट सम्मानित

काठमाडौं । नेपाल व्यवस्थापन संघ (म्यान)ले आइएमई जनरल इन्स्योरेन्स लिमिटेडका प्रमुख कार्यकारी अधिकृत (सीईओ) युगेशभक्त बादे श्रेष्ठलाई आउटस्ट्यान्डिङ म्यानेजमेन्ज अवार्डबाट सम्मानित गरेको छ ।

चैत्र २६ गते काठमाडौंको याक एण्ड यति होटलमा आयोजित कार्यक्रममा कम्पनीका सीईओ श्रेष्ठले उक्त सम्मान ग्रहण गरेका छन् ।

त्यसअवसरमा श्रेष्ठले यस सम्मानबाट आफुहरुलाई थप हौसला प्राप्त भएको र आगामी दिनमा कम्पनीले प्रदान गर्ने सेवालाई अझै परिस्कृत गर्दै डिजिटल माध्यमबाट समेत सहज र सरल रुपमा सेवा प्रदान गर्ने जानकारी दिए ।

उनले आफू जहिले पनि समूहमा विश्वास गर्ने भएको हुनाले आगामी दिनहरुमा पनि यसरी नै सबै क्षेत्रबाट साथ र सहयोग प्राप्त भई नेपालको निर्जीवन बीमा क्षेत्रमा एक अग्रणी बीमा कम्पनीको रुपमा आइएमई जनरल इन्स्योरेन्स अघि बढ्ने प्रतिवद्धता व्यक्त गरे ।

श्रेष्ठले म्यानलाई धन्यवाद दिँदै कम्पनीको उपलब्धिमा आ-आफनो क्षेत्रबाट सहयोग तथा साथ दिई महत्वपूर्ण योगदान पु-याउने सबै ग्राहक, शेयरधनी, कर्मचारीहरु, नियामक निकायहरु, संचार जगत लगायत सबैमा कृतज्ञता ज्ञापन गरे ।

यसअघि आइएमई जनरल इन्स्योरेन्स लिमिटेडलाई अमेरिकाको International Brand Consulting Corporation (IBC) ले Asia’s Most Trusted Company Award 2019 र World HRD Congress ले Asia’s Best Employer Brand Awards 2021 बाट समेत सम्मानित गरेको थियो ।