२५ बैशाख २०८१, मंगलबार | May 7, 2024

एक अर्ब बढीको लागतमा रुपन्देहीको मणिग्राममा खुल्यो एनजी मार्केट



बुटवल । रुपन्देहीको मणिग्राममा एक अर्ब बढीको लागतमा एनजी मार्केट खुलेको छ । आईएनजी ए सपिङ कम्प्लेक्स प्रालिले मार्केट सञ्चालनमा ल्याएको प्रालिका अध्यक्ष नारायण बन्जाडेले जानकारी दिए ।

तिलोतमा नगरपालिका वडा नं. ५ राधाकृष्ण टोलमा सञ्चालनमा आएको मार्केट वैशाख १ गते देखि औपचारीक सुरु हुने छ । तीन चरणमा सञ्चालन हुने मार्केटमा पहिलो चरणमा वैशाख १ गतेदेखि घरायसी सामानहरु खाद्यान्न, लत्ताकपडालगायत आवश्यक सम्पूर्ण समानहरु रहेको अध्यक्ष नारायण बन्जाडेले जानकारी दिए । साथै एकैपटक चार सय जनाले सेवा लिन सक्ने रेष्टुरेन्ट पनि सञ्चालनमा आउने छ ।

दोसो चरणमा लेडिज तथा जेन्सहरुका लागि आवश्यक बुटिकका सामानहरु देखि लिएर लेजिड एण्ड जेन्स पार्लर, कस्मेटिकलगायतका पसलहरु रहेको मार्केट सञ्चालनमा आउने छ । यो मार्केट वैशाखको अन्त्यमा सञ्चालनमा आउने छ ।

तेस्रो चरणमा घर, होटल, अफिसलगायतका स्थानहरुमा आवश्यकपर्ने फर्निचरका समानहरुको सोरुमको सुभारम्भ गर्ने तयारी रहेको प्रालिका अध्यक्ष नारायण बन्जाडेले बताए । तेस्रो फनिचर सोरुम सञ्चालनमा आउन थप ३ महिना लाग्ने उनले बताए ।

वैशाख १ गतेबाट अनौपचारिक रुपमा मार्केट सञ्चालनमा आए पनि यसको समुद्घाटन कार्यक्रम भने मार्केट पूर्ण रुपमा सञ्चालनमा आएपछि गरिने प्रालिका अध्यक्ष बन्जाडेले बताए ।

एकै छानामुनि सबै प्रकारका समानहरु पाइने यो नेपालकै ठुलो मार्केट रहेको उनले दाबी गरे । दुई लाख स्क्वारफुट क्षेत्रफल रहेकोमा ८० हजार स्क्वारफुट क्षेत्रफलमा मार्केट रहेको छ । ८० हजार स्क्वायर फुट क्षेत्रफलमा फैलिएको यो नै पहिलो मार्केट रहेको उनले दाबी गरे । मार्केट फुलफेजमा सञ्चालनमा आउँदा २ सय जनाले रोजगारी पाउने उनले बताए ।

हाल मार्केटमा एक सय जनाले रोजगारी पाएका छन् । मार्केटबाट ग्राहकले घरमै बसी बसी सुविधा लिन सक्ने बन्जाडेले बताए । कम्पनीले घर घरमै पुगेर पनि सेवा दिने गरी काम गर्न गैरहेको उनले बताए ।

एउटै छानामुनि रहेको यो मार्केट जिल्लाको लागि एउटा साइटसिन पनि बन्न सक्ने उनले दाबी गरे । विभिन्न जिल्लाहरुबाट अवलोकन भ्रमणका लागि आउने आन्तरिक पर्यटकहरुका लागि अवलोकन गर्न मिल्ने खालको मार्केट बनेको उनले बताए ।

प्रकाशित मिति : ३० चैत्र २०७८, बुधबार  ५ : ३६ बजे

लुम्बिनीमा रसियन बौद्ध सम्प्रदायको सहयोग, शान्तिको कामना गर्दै पाठ

लुम्बिनी । लुम्बिनी गुरुयोजना क्षेत्रभित्र रसियन बौद्ध समुदायको सहयोगमा तयार

सरकारले यातायात क्षेत्र नबुझ्दा समस्या भएको व्यवसायीको गुनासो

बुटवल । यातायात क्षेत्रसँग सम्बद्ध विभिन्न व्यक्तिहरुले सहजरुपमा यातायात व्यवसाय

भारतबाट नेपाल आएर जुवा (सट्टेबाजी) खेलाउने १३ जना प्रहरीबाट सार्वजनिक(नामसहित)

बुटवल । बुटवलबाट सट्टेबाजी गरेको अभियोगमा पक्राउ परेका १३ जना

बुटवलको चौराहादेखि चिडियाखोलासम्मको सडक पुनः डिजाईनको लागि कार्यदल गठन

बुटवल । बुटवल बेलहीया ब्यापारीक मार्ग अन्तरगत बुटवलको चौराहादेखि चिडियाखोलासम्मको

‘थोर्गेली गुड’ बजारीकरणको प्रयास

गुल्मी । ‘गुल्मी थोर्गाको गुड’ बजारमा अहिलेको होइन, धेरै पहिलेदेखि