६ मंसिर २०८३, आइतबार | November 22, 2026

वर्ष बदलिँदा हाम्रो हर्ष पनि बढ्नुपर्छ तर त्यस्तो हुन सकेको छैन : पूर्वराजा ज्ञानेन्द्र



काठमाडौं । पूर्वराजा ज्ञानेन्द्र शाहले वर्ष बदलिँदा हाम्रो हर्ष पनि बढ्नुपर्ने र जनजीवनमा स्तर वृद्धि पनि हुनुपर्ने बताएका छन् ।

नववर्ष २०७९ को पूर्वसन्ध्यामा बुधबार एक शुभकामना सन्देशमार्फत उनले भनेका छन्, ‘वर्ष बदलिँदा हाम्रो हर्ष पनि बढ्नु पर्दछ, भित्ताको पात्रो फेरिएपछि जनजीवनमा स्तर वृद्धि पनि हुनुपर्दछ। तर चर्का नारा, गहकिला आशा, आश्वासन तथा अर्थहीन परिवर्तन वा रुपान्तरणको प्रकृयाले नेपाली जनमानसलाई शान्त र सन्तुष्ट पार्न सकेको छैन। चिन्ताको विषय हाम्रो यो हो ।’

२०७८ साललाई अतीत र इतिहासको पानामा पल्टाउँदै नयाँ वर्ष २०७९ मा आइपुग्दा उनले देशवासी र बाध्यतावश विदेशी भूमिमा रहेका नेपालीलाई सम्झँदै सुख, शान्ति तथा समुन्नतिको कामना गरेका छन् ।

मातृभूमि नेपाल ‘त्रिपक्षीय महाशक्तिहरुबीचको शिखर आभूषण’ का रुपमा र पनि आफ्नै भूबनोट, सामाजिक संरचना, गौरवपूर्ण इतिहास, मौलिक मूल्यमान्यता तथा परम्पराले गौरवान्वित रहिआएको उनको भनाइ छ ।

‘सबै राष्ट्र, सबै समुदाय मिलेर रहुन्, कतै अशान्ति नहोस् कोही कसैमा विभाजन, विभेद नरहोस् भन्ने हाम्रो मान्यता हो । छिमेकी मित्र राष्ट्रहरुप्रति हामीले अवलम्बन गर्ने नीति तथा व्यवहारले हाम्रो उन्नतिप्रगतिलाई मात्र प्रभावित गर्दैन मुलुकको स्थायित्व, शान्ति र राष्ट्रिय अस्मिता समेतमा कुनै न कुनै स्तरको प्रभाव पर्न जाने अवस्थालाई संझेर हामी सदैव चनाखो हुनुपर्दछ,’ उनले शुभकामना सन्देशमा लेखेका छन् ।

नेपाल शान्तिभूमि बन्न सकोस् भन्ने आकांक्षा आफूहरूले राखेको उनको भनाइ छ । तर आज नेपाल कोहीसँग कतै टाँसिएर कसैप्रतिको दूरभाव राख्ने मार्गतर्फ लाग्यो कि भन्ने जुन धारणा उत्पन्न भएको छ त्यो आफैंमा आत्महीनताको विषय बन्न गएको उनले बताएका छन् ।

उनले देशको अर्थतन्त्रमा समस्या आएको भन्दै त्यसप्रति चिन्ता पनि व्यक्त गरेका छन् ।

‘हाम्रो अर्थविद्हरु तथा उद्यमीहरुले गलत मौद्रिक र कमजोर वित्तीय नीतिका कारण अर्थ व्यवस्था जटिल बन्दै गएको चिन्ता गरिरहेका छन्,’ उनले भनेका छन्, ‘नेपालीको घर घरमा बढ्दो महंगी र थपिदों आर्थिक बोझले जीवन गुजरा गर्न अत्यन्त कठिन भएको दुखेसो छ ।’

प्रकाशित मिति : १ बैशाख २०७९, बिहिबार  ८ : ०० बजे

Your email address will not be published.

प्रधानमन्त्री बालेन भारत प्रस्थान, लिएनन् सम्मान गारद

काठमाडौं । प्रधानमन्त्री बालेन्द्र शाह बालेन भारत प्रस्थान गरेका छन् ।

सामान्य रूपमा नयाँ दिल्ली प्रस्थान गर्दै प्रधानमन्त्री बालेन

काठमाडौं । प्रधानमन्त्री बालेन्द्र शाह बालेन आइतबार दिउँसो दुई दिने

कोरला नाकाबाट चार महिनामा सात हजार विद्युतीय सवारीसाधन आयात

मुस्ताङ । नेपाल–चीन सीमा कोरलानाबाट चालु वर्षको पहिलो चार महिनामा

मधेश सरकारमा एमाले, कांग्रेस र नेकपा सहभागी नहुने, होला त संसद् विघटन ?

काठमाडौं, ६ मंसिर । मधेश प्रदेशका नवनियुक्त मुख्यमन्त्री सरोजकुमार यादवले

२५ घन्टाका लागि विराजभक्त श्रेष्ठ कार्यवाहक प्रधामन्त्री

काठमाडौं । प्रधानमन्त्री वालेन्द्र शाह, अर्थमन्त्री स्वर्णिम वाग्ले र परराष्ट्रमन्त्री