महानगर र उपमहानगरको भागवण्डा मिलाउन सत्ता गठबन्धन बैठक जारी

काठमाडौं । महानगर र उपमहानगरपालिकाको भागवण्डा मिलाउन सत्ता गठबन्धनको बैठक बसिरहेको छ ।

यही वैशाख ३० गते हुन लागेको स्थानीय तहको निर्वाचनमा तालमेल गरेर जाने निर्णय गरिसकेको सत्ता गठबन्धनका पाँच दलबीच भागवण्डाको विषय भने अझै मिल्न सकेको छैन ।

उम्मेदवारी मनोनयन दर्ताको दिन नजिकिँदै जाँदा गठबन्धन दलहरुलाई सिट बाँडफाँडबारे निर्णय गर्नैपर्ने
अवस्था आइसकेकोछ । निर्वाचन आयोगले वैशाख ११ र १२ गते उम्मेदवारी दर्ताको दिन तोकेको छ ।

प्रधानमन्त्री निवास बालुवाटारमा बिहान ९ बजेदेखि बसेको बैठकमा ६ वटा महानगरपालिका र ११ वटा उपमहानगरपालिकामा कुन दलले कति पाउने र कहाँ कहाँ पाउने भन्नेबारेमा छलफल भैरहेको छ । बैठकमा गठाबन्धनका शीर्ष नेताहरुसहित निर्वाचन तयारी समितिका नेताहरु समेत समेल भएका छन् ।

स्थानीय तहको सिट बाँडफाँडका लागि आइतबार बसेको बैठक ठोस निस्कर्ष निकाल्न नसकी सकिएको थियो ।