स्थानीयतह निर्वाचनको मुख्खैमा लुम्बिनी प्रदेश प्रमुखले आह्वान गरे प्रदेशसभाको दशौं अधिवेशन

बुटवल । लुम्बिनी प्रदेश प्रमुख अमिक शेरचनले प्रदेशसभाको दशौं अधिवेशनको आह्वान गरेका छन् । बैशाख २० गते बैठक बस्ने गरि प्रदेश प्रमुख शेरचनले प्रदेशसभाको दशौं अधिवेशन आह्वान गरेका हुन् ।

प्रदेश प्रमुख कार्यालयको सूचनाको आधारमा प्रदेशसभा सचिवालयले आज एक सूचना प्रकाशित गर्दै बैशाख २० गते दिनको १ बजे बस्ने गरि प्रदेशसभको बैठक बस्ने जनाएको छ । सूचनमा नेपालको संविधानको धारा १८३ को उपधारा १ बमोजिम प्रदेश प्रमुखबाट प्रदेशसभा बैठक आह्वान भएको जनाइएको छ ।

प्रदेशसभा नियमावलीको नियम ३ को उपनियम १ बमोजिम प्रदेशसभा सदस्यहरुलाई बुटवल स्थित प्रदेशसभाको बैठक कक्षमा उपस्थित हुने प्रदेशसभा सचिवालयले सूचित गरेको छ ।

प्रदेशसरकारले दशौं अधिवेशन दाङमा नवनिर्मित प्रदेशसभा भवनमा बसाल्ने प्रयास शोरुप बैठक आह्वान गर्न ढिला गरेको भएपनि प्रदेशसभाको बैठक ६ महिना भित्र बस्नैपर्ने प्रावधानका आधारमा बैठक बोलाइएको प्रदेशसभा सचिवालय स्रोतले जनाएको छ । भवन सम्पन्न हुँदा ६ महिना नाघ्ने अवस्था आएपछि सबै सांसदहरु स्थानीय तह निर्वाचनमा व्यस्त भएका बेला सरकारले प्रदेशसभा बैठक बोलाउन सिफारिस गरेको हो ।