रुपन्देहीको भलुहीबाट ७ थान बन्दुक सहित ४ जना पक्राउ

बुटवल । रुपन्देही प्रहरीले ७ नाल भरुवा बन्दुक सहित ४ जनालाई पक्राउ गरेको छ । प्रहरीले देवदह नगरपालिका ६ भलुही क्षेत्रबाट स्थानीय ४ जना लाई पक्राउ गरेको हो ।

भलुही स्थित उजेली पाल्पाली सामुदायीक बन भित्र बन्दुक सहित मानीसहरु हिँडेको सुचनाका आधारमा देवदह ६ सताकखोलाका गणेश लामा, कृष्णबहादुर कामु, सुनबहादुर आले र चेतबहादुर दर्लामी मगरलाई पक्राउ गरिएको जिल्ला प्रहरी कार्यालय रुपन्देहीले जानकारी दिएको छ ।

पक्राउ परेकाहरुबाट ७ नाल भरुवा बन्दुक, १२९ राउण्ड छर्रा (गोली), ३२७ ग्राम बारुद, ७५ थान केप र २ थान फलामको चक्कु बरामद भएको रुपन्देही प्रहरी प्रवक्ता डीएसपी नवरत्न पौडेलले बताए । पक्राउ परेकाहरुको थप अनुसन्धान भइरहेको समेत डीएसपी पौडेलले बताए ।