बुटवल । एमाले, माओवादी र एकीकृत समाजवादी कतै नखुलेका राष्ट्रिय सभा सदस्य बामदेव गौतमले नेकपा एकीकृत समाजवादीको कलम चिन्हका लागि मत माग्दै चुनावी गीत लेखेका छन्।
माधवकुमार नेपाल अध्यक्ष रहेको एकीकृत समाजवादीको लागि गौतमले लेखेको चुनावी गीतमा पटक पटक एकीकृत समाजवादीलाई हाम्रो पार्टी लेखिएको छ । गौतमले गीतमा एकीकृत समाजवादीले नै देश र जनातालाई गरिवीबाट मुक्ति दिलाउने लेख्दै कलम छापमा भोट हाल्न आह्वान गरेका छन् ।
आजैबाट गौतमले लेखेको गीतको म्युजिक भिडीयो युट्युवबाट सार्वजनिक गरिएको छ। सार्वजनिक भएको चुनावी गीतको भिडिओमा बामदेव आफैले आफ्नो समेत दृष्य समावेश गराएका छन् ।
गीतमा कृष्ण केसी र जुना श्रीष मगरले स्वर दिएका छन् भने नेपाल मुस्लिम इतेहाद संगठनको नामबाट इदको दिन पारेर लिंक सार्वजनिक गरिएको छ ।
नेकपा एमालेबाट राजीनामा दिएका गौतम सक्रिय रूपमा राजनीतिमा देखिएका छैनन्।
प्रतिक्रिया