अक्षय तृतिया : बुटवलमा नेवाः पुचको दिनभरी सातु र सर्वत

बुटवल । हिन्दुहरुको महत्वपूर्ण चाड मध्यको एक चड अक्षय तृतियाको अवसरमा बुटवल स्थित अमरपथ चौराहामा सातु र सर्वत वितरण गरिएको छ । नेवाः पुच नेवा समाज विकास परिषद बटवलले अक्षय तृतियाको अवसरमा सातु र सर्वत वितरण गरेको हो ।

अमरपथ चौराहा स्थित टक्सार भवन अगाडी आज दिनभरी नेवाः पसचका पदाधिकारीहरुले सर्वसाधारणलाई सर्वत र सातु वितरण गरेका थिए । प्रचण्ड गर्मीका बेला सर्वत खान पाउँदा सडकमा हिंडिरहेका बटुवाहरुले ठुलो राहत मिलेको प्रतिक्रिया दिएका छन् ।

संस्कृति जोगाउन र गर्मीमा सर्वसाधारणलाई राहत दिन सातु सर्वत वितरण गरिएको समाजका अध्यक्ष काजीमान श्रेष्ठले बताए । समाजले नेपालमा रहेका बिभिन्न जाती समुदायको पर्वमा पहिचान खुल्ने गरि विविध कार्यक्रम गर्दै आएको छ ।