तिलोत्तमा । सत्ता गठबन्धनले रुपन्देहीको तिलोत्तमा नगरपालिकामा बिहिबार बृहत आमसभा गर्ने भएको छ । तिलोत्तमाको मणिग्रमा(प्रदर्शनी लाग्ने मैदान)मा बृहत आमसभा हुन लागेको सत्ता गठबन्धनको तिलोत्तमामा कांग्रेस नेता हरिलाल पाण्डेले जानकारी दिए ।
गठबन्धनको तर्फबाट आयोजना गरिने आमसभा भनिएपनि सभालाई कांग्रेस र माओवादी नेताहरुले मात्र सम्बोधन गर्ने बताइएको छ । तिलोत्तमामा कांग्रेस र माओवादीकाबीचमा मात्र तालमेल भएको छ भने गठबन्धनका अन्य उम्मेदवारहरु छुट्टै चुनावमा सहभागी छन् ।
आमसभामा नेपाली कांग्रेसका महामन्त्री, विश्वप्रकाश शर्मा, केन्द्रीय सदस्य पुष्पा भुसाल, निवर्तमान केन्द्रीय सदस्य चन्द्र भण्डारी र माओबादी केन्द्रका केन्द्रीय सदस्य बामदेब क्षेत्रीले सम्बोधन गर्ने तय भएको नेपाली कांग्रेसका तिलोत्तमा नगरसमिति सभापति पाण्डेले बताए ।
तिलोत्तमामा गठबन्धनबाट मेयरमा कांग्रेसका रामकृष्ण खाँण र उपमेयरमा माओबादीका हेमराज पाण्डे(हेमन्त) उम्मेद्वार छन् ।
प्रतिक्रिया