रुपन्देहीमा साढे १२ बजे सम्ममा ३५ प्रतिशत मत खस्यो

बुटवल । रुपन्देहीमा मध्यान्ह १२ः३० बजे सम्ममा ३५ प्रतिशत मत खसेको छ । बिहान ७ बजे देखि नै अधिकांस मतदान केन्द्रहरुमा मतदान सुरु भएकोमा मध्यान्ह १२ः३० सम्ममा ३५ प्रतिशत मत खसेको जिल्ल निर्वाचन कार्यालयले जनाएको छ ।

पुरानो मतदाता नामावली र नयाँ अध्यावधिक गरिएको मतदाता नामावलीको क्रम संख्या फरक परेका कारण धेरै मतदाताहरुले नाम फेला पार्न झन्झट भएको बताएपनि मतदान नै स्थगित हुने अवस्था नआएको जिल्ला निर्माचन कार्यालय रुपन्देहीका प्रमुख निर्वाचन अधिकारी अयोध्याप्रसाद भण्डारीले जानकारी दिए ।

मतदाता नामावलीमा नाम नभेटिएरपछि अघिल्लो निर्वाचनको परिचयपत्र लिएर आएका केही मतदाताहरुले आयोग विरुद्ध आक्रोश पोखेका थिए । वर्णानुकारको स्पष्ट व्यवस्था मिलाउन नसक्दा मतदाताहरुले आफुले मतदान गर्ने स्थल भेटाउन असहज भएको मतदाताहरुले बताए ।