बुटवल । लुम्बिनी प्रदेशका सबै जिल्लाहरुमा अपरान्ह ३ बजे सम्म शान्तिपूर्ण तरीकाबाट मतदान चलिरहेको प्रदेशका उच्च सुरक्षा अधिकारीहरुले बताएका छन् । मतदान केन्द्रहरुको स्थलगत अनुगमनमा निस्केको प्रदेश सरकारका मुख्य सचिव सहितको प्रदेशका उच्च स्तरिय सुरक्षा अधिकारीहरुको टोलिले प्रदेशभरी शान्तिपूर्ण मतदान जारी रहेको जनाएको हो ।
लुम्बिनी प्रदेश सरकारमा मुख्य सचिव डिल्लीराम शर्मा, नेपाली सेनाका बाहिनीपति नवराज गुरुङ, लुम्बिनी प्रदेश प्रहरी प्रमुख डीआईजी नलप्रसाद उपाध्याय, सशस्त्र प्रहरीका डीआईजी कुलबहादुर नेम्वाङ र राष्ट्रिय अनुसन्धानका प्रदेश अनुसन्धान निर्देशक सुमन बैद्य सहितको टोलिले रुपन्देही, कपिलवस्तु र नवलपरासीको विभिन्न मतदान केन्द्र तथा मतदानस्थलहरुको स्थलगत अनुगमन गरेको छ । स्थलगत अनुगमनका क्रममा सबै स्थानमा विना अवरोध मतदाताहरुले मतदान गरेको पाईएको अनुगमनमा रहेका प्रदेश अनुसन्धान निर्देशक बैद्यले बताए ।
लुम्बिीनी प्रदेशमा कपिलवस्तुको महाराजगन्ज नगरपालिका र तुलसीपुरको १७ नम्बर वडामा बाहेक सबै स्थानमा आज मतदान भइरहेको छ ।
प्रतिक्रिया