रुकुम पश्चिम । रुकुमको सानीभेरी गाउँपालिकामा माओवादी केन्द्रका उम्मेदवारले अग्रता लिएका छन् ।
माओवादी उम्मेदवार बिर्खबहादुर विष्टले निकटतम प्रतिद्वन्द्वीभन्दा दोब्बर मतले अग्रता लिएका हुन् । विष्टले अहिलेसम्म ५४७ मत प्राप्त गरेका छन् । माओवादी विरुद्ध बनेको कांग्रेस एमाले गठबन्धनको तर्फबाट कांग्रेस उम्मेदवार गोरखप्रसाद चन्दले २८० मत प्राप्त गरेका छन् ।
यस्तै उपाध्यक्ष पदमा पनि माओवादी केन्द्रककै कमला रोका पुनको अग्रता छ ।
सानीभेरी गाउँपालिकाको वडा नं. १ मा माओवादी केन्द्रका टेकबहादुर पुन विजयी भैसकेका छन् । पुनले ५ सय ६१ मत प्राप्त गरेका छन् । उनका निकटतम प्रतिद्वन्द्वी कांग्रेसका खलबहादुर पुनले २ सय ८१ मत प्राप्त गरेका छन्।
प्रतिक्रिया