लुम्बिनीको आकाशमा भारतीय हेलिकप्टर, मोदीको स्वागतका लागि सजाउन थालियो लुम्बिनी

खबर कुरा
३१ बैशाख २०७९, शनिबार
                 

लुम्बिनी । भारतीय प्रधानमन्त्री नरेन्द्र मोदी लुम्बिनीमा आउने निश्चित भएपछि लुम्बिनीमा सुरक्षा व्यवस्था कडा पारिएको छ । आज भारतका २ ओटा हेलिकप्टरमा भारतीय सुरक्षाफौज सहितको टिमले लुम्बिनीमा आएर हेलिप्याड जाँच गरि फर्किएका छन् ।

भारतीय उच्च सुरक्षा निकाय र भारतीय पत्रकारहरु लुम्बिनी आइसकेका छन् भने नेपाल सरकारका गृहमन्त्री सहितको टोलि भोली लुम्बिनी आईपुग्ने बताइएको छ । २५६६ औं बुद्धजयन्ति तथा लुम्बिनी दिवस २०७९ को अवसरमा मोदी जेठ २ गते लुम्बिनी आउने कार्यक्रम तय भएको छ ।

भारतीय प्रधानमन्त्री मोदी र प्रधानमन्त्री शेरबहादुर देउवाले लुम्बिनीमा निर्माण भएको पाँच हजार जना अट्ने क्षमताको अन्तराष्ट्रिय बौद्ध कन्फरेन्स तथा ध्यान केन्द्र उद्घाटन गर्ने कार्यक्रम रहेको छ । नेपालका प्रधानमन्त्री देउवा र भारतका प्रधानमन्त्री मोदीले मायादेवी मन्दिरमा पुजआजा गरि सकेपछि अन्तर्राष्ट्रिय बौद्ध कन्फरेन्स हलबाट सम्बोधन गर्ने लुम्बिनी विकास कोष स्रोतले जनाएको छ ।

कोषका अनुसार गृहमन्त्री बालकृष्ण खाँड, संस्कृति, पर्यटन तथा नागरिक उड्डयन मन्त्री प्रेमबहादुर आले, परराष्ट्र मन्त्री नारायण खड्का भोली लुम्बिनी आइपुग्ने छन् । मोदीको स्वागतका लागि लुम्बिनीको मायादेवी परिसर र अन्तर्राष्ट्रिय बौद्ध कन्फरेन्स हल सिंगारीएको छ भने भैरहवा देखि लुम्बिनी सम्मको सडक चोक चोकमा स्वागतद्वार निर्माण गरिएको छ ।

यसमा तपाइको मत

Your email address will not be published.


*