डडेलधुरा । नेपाली कांग्रेसका सभापति एवं प्रधानमन्त्री शेरबहादुर देउवाको गृहपालिका कांग्रेसको नियन्त्रणमा आएको छ ।
गन्यापधुरा गाउँपालिकाको अध्यक्षमा कांग्रेस उम्मेदवार इन्द्रबहादुर कार्की दोब्बर मतान्तरसहित निर्वाचित भएका छन् । देउवाको गृह वडा (१)मा भने कांग्रेस उम्मेदवार कांग्रेस वीपीका उम्मेदवारसँग् पराजित भएका थिए ।
कार्कीले ३ हजार ३८४ मत पाएका छन् । उनका निकटतम प्रतिद्वन्द्वी नेपाली कांग्रेस बीपीका सुरेन्द्र मालीले एक हजार ६०४ मत मात्र पाएका छन् । कांग्रेसको संस्थापन पक्षसँग असन्तुष्ट भएपछि डडेल्धुराका पूर्वपार्टी सभापति कर्णबहादुर मल्ल कांग्रेस वीपीमा प्रवेश गरेर एमालेसँग गठबन्धन गरी उम्मेदवार खडा गरेका थिए ।
सो गाउँपालिकाको उपाध्यक्षमा पनि कांग्रेसकै उम्मेदवार ज्ञानुकुमारी सेटी विजयी भएकी छिन् । उनले ३ हजार १३ मत पाउँदा एमालेका एमालेका इन्द्र महराले एक हजार ७०३ मत पाएका छन् ।
प्रतिक्रिया