काठमाडौं । दाङको बंगलाचुली गाउँपालिका अध्यक्षमा नेकपा माओवादी केन्द्रका उम्मेदवार सुवास पुन विजयी भएका छन् ।
गठबन्धनको तर्फबाट माओवादी उम्मेदवार गाउँपालिका अध्यक्षमा निर्वाचित हुँदा गठबन्धनबाटै उपाध्यक्षमा लडेका कांग्रेस उम्मेदवार भक्तबहादुर जिसी पनि विजयी भएका छन् ।
अध्यक्षमा विजयी पुनले ५,७४९ मत प्राप्त गरेका छन् । उनका निकटतम प्रतिस्पर्धी एमालेका भेषराज खत्रीले ३,६७८ मत पाए ।
यस्तै, उपाध्यक्षमा निर्वाचित जिसीले ५,९४५ प्राप्त गरेका छन् । एमालेका सरस्वता कुमारी घर्तीले ३२६५ मत पाएकी छिन् ।
बंगलाचुलीका ४ वडा माओवादी केन्द्रले जितेको छ । ४ वडा कांग्रेसले जितेको छ । एमालेले भने वडा नं. ७ को दुई वटा खुल्ला सदस्य मात्र जित्न सक्यो । बंगलाचुलीमा २०७४ मा अध्यक्ष र उपाध्यक्ष दुवै पद माओवादी केन्द्रले जितेको थियो ।
प्रतिक्रिया