बुटवलको मेयरमा पाण्डेको अग्रता कायम, उपमेयरमा एमालेकी अर्याल निरन्तर अगाडी बढ्दै

बुटवल । बुटवल उपमहानगरपालिकामा गठबन्धनबाट मेयर पदका उम्मेदवार खेलराज पाण्डेले आफ्नो अग्रतालाई कायम राख्दै मतान्तर पनि बढाउँदै लगेका छन् । मतगणनास्थलबाट प्राप्त पछिल्लो परिणाम अनुसार एमाले उम्मेदवार बावुराम भट्टराईलाई पाण्डेले १८१४ मतले पछि पारेका छन् ।

पछिल्लो मत परिणाम अनुसार पाण्डेको ५५५५ मत आउँदा भट्टराईले ३७४१ मत पाएका छन् । राप्रपाका मृगेन्द्र शेरचनको मत १४०५ रहेको छ ।

बुटवलको उपमेयरमा भने एमालेकी सावित्रा अर्यालले मतान्तर बढाउँदै अग्रता लिएकी छन् । अर्यालको ४२५७ मत हुँदा गठबन्धनबाट एकीकृत समाजवादीका चिनबहादुर गुरुङको ३१४० मत आएको छ । राप्रपाकी भगवती पाण्डेले १८०५ मत ल्याएकी छन् ।