गुल्मी । नेपाली कांग्रेस गुल्मीमा लोकप्रिय मानिएका छत्रकोटका कांग्रेस नेता अनन्त पौडल दोस्रो पटक गाँउपालिका अध्यक्षमा पराजित भएका छन् । गुल्मीको छत्रकोट गाउँपालिका नेकपा (एमाले)का उम्मेदवार विजयी भएसँगै पौडेल पालिका अध्यक्षमा दोस्रो पटक पराजित भएका हुन् ।
छत्रकोटमा भएको कांग्रेस–जनमोर्चा गठबन्धनलाई पछि पार्दै अध्यक्षमा एमालेका रामप्रसाद पाण्डेय र उपाध्यक्षमा सावित्रा ज्ञवाली विजयी भएकी छन् ।
पाण्डेले ६ हजार ५ सय ८६ मत ल्याउँदा उनका निकटतम प्रतिद्वन्दी नेपाली कांग्रेसका पौडेलले ५ हजार ९ सय ४८ मत ल्याएका छन् । त्यस्तै उपाध्यक्ष पदमा ज्ञवालीे ६ हजार ४ सय ७२ मतका साथ विजयी हुँदा गठबन्धनका तर्फबाट राष्ट्रिय जनमोर्चाका गुमानसिंह पुन मगरले ५ हजार १ सय २४ मत ल्याएका थिए ।
२०७४ सालको चुनावमा पौडेल एमालेका मधुकृष्ण पन्थसंग पराजित भएका थिए ।
प्रतिक्रिया