बुटवल । पटक पटक अवरुद्ध भएर बुधबार अबेर रातीबाट सुरु भएको तिलोत्तमाको मतगणनाको पछिल्लो परिणाम प्राप्त भएको छ । पछिल्लो परिणाम अनुसार मेयर पदमा झिनो मतले गठबन्धनबाट कांग्रेस उम्मेदवार रामकृष्ण खाँणले अग्रता लिएका छन् भने उपमेयरमा भारी मतान्तर सहित एमाले उम्मेदवार जागेश्वरी चौधरीले अग्रता लिएकी छन् ।
९,९४२ मत गन्दा मतगणनाको पछिल्लो परिणाम अनुसार कांग्रेस उम्मेदवार खाँणले ३८२६ मत पाएका छन् भने एमालेका मोहन चापागाईंले ३६२१ मत पाएका छन् ।
त्यसैगरि उपमेयरमा एमालेकी चौधरीले ३४४८ मत पाएकी छन् भने गठबन्धनबाट माओवादी केन्द्रका उम्मेदवार हेमराज शर्माले १७२२ मत पाएका छन् ।
गणनामा बसेका कर्मचारीले मतको होफेरि गरेपछि अवरुद्ध भएको गणना बुधबार राती सुरुभएकोमा सुरु भए लगत्तै वडा नं ५ का वडा सदस्यका नेकपा एमालेका उम्मेदवार मनिस अधिकारीले मदिरा सेवन गरी गणनास्थलमा पसेर होहल्ला गर्न थालेपछि पुनः केही बेर मतगणना रोकिएको थियो ।
प्रतिक्रिया