पोखरा अपडेट : मेयर पदमा गठबन्धनको अग्रता कायम, उपमेयरमा एमाले अगाडि

पोखरा । पोखरा महनगरमा मेयर पदमा गठबन्धनका उम्मेदवारले आफ्नो अग्रता कायम राखेका छन् । १४३२२६ मत खसेको पोखरामा ४७,५६६ मत गणना हुँदा गठबन्धनबाट एकीकृत समाजवादीका उम्मेदवार धनराज आचार्यले मेयरमा र एमाले उम्मेदवार मन्जुदेबी गुरुङले उपमेयरमा अग्रता लिएका छन् ।

पछिल्लो परिणाम अनुसार आचार्यले १९६१५ मत ल्याउँदा एमालेका कृष्ण थापाले १७५१२ मत ल्याएका छन् । अचार्यले २१०३ मतान्तरले अग्रता लिइरहेका छन् ।

उपमेयरमा एमाले उम्मेदवार गुरुङले २०००२ मत पाउँदा कांग्रेस उम्मेदवार कोपिला रानाभाटले १९७७४ मत पाएकी छन् । उपमेयरमा मतान्तर २२८ मात्र रहेको छ ।