बुटवल । बुटवलको ११ नबम्र वडाको मतगणना रोकिएको छ । वार्डनम्बर ११ को २ (च) मतदान केन्द्रको मतपेटिका खोल्ने क्रममा मतपेटिकाको एक तर्फको सिल चुँडेको अवस्थामा भेटिएपछि मतगणना स्थगित भएको हो ।
कपडाले बेरिएको मतपेसटकाको कपडाको गाँठो फुकाएर हेर्दा ४ तर्फ लगाईएको सिल मध्य १ तर्फको सिल चुँडिएर कपडामै अल्झिेको भेटिएपछि एमाले मतगणना प्रतिनिधिहरुले विरोध जनाएका छन् । एमलेको विरोध आएपछि सो वार्डको मतगणना रोकेर सर्वदलीय बैठक बोलाईएको निर्वाचन अधिकृतको कार्यालयले जनाएको छ ।
सिल चुडिएको भए पनि सिल मतपेटिकाको कपडामा भएको निर्वाचन अधिकृत लेखनाथ पौडेलले बताए । पौडेलले सिल चुडिदैँमा मत पत्रमा असर नगर्ने भएकाले राजनीतिक दलहरुलाई मिलेर आउन आग्रह गरिएको जानकारी दिए । बक्सा भित्र स्वस्तिक छाप भेटिएको हल्ला गलत भएको उनले बताए । ‘तीनवटा सिल दुरुस्त छन्। बक्सा खोलिएकै छैन, बक्सा भित्र कसरी स्वस्तिक छाप भेटिन्छ ?’ उनले भने । मत पेटिका खोल्ने क्रममा सिल चुडिएको भेटिए पछि अहिले मतगणना रोकिएको छ ।
बुटवलको वडा नम्बर ११ मतदाताको हिसावले सबै भन्दा ठुलो वडा हो । मतगणनामा पछि पर्दै गएको एमालेले ११ नम्बरको मतगणनाबाट आफ्नो मतको सुधार हुने अपेक्षा गरेका थिए ।
प्रतिक्रिया