बुटवल । रुपन्देहीको तिलोत्तमा नगरपालिकामा गणना भएको ३० हजार ७ सय ३४ मतको परिणाम सार्वजनिक गर्दा गठबन्धनको तर्फबाट उम्मेदवार बनेका नेपाली कांग्रेसका रामकृष्ण खाँण अगाडि छन् ।
२२ हजार मतगणना सम्पन्न भएदेखि निरन्तर अगाडि रहेका खाणले त्यसयता निरन्तर अग्रता लिएका छन् । खाँणले पछिल्लो पटकको नतिजामा ११ हजार ९ सय ४९ मत पाएका छन् ।
उनलाई नेकपा एमालेका उम्मेदवार मोहन चापागाईंले पछ्याई रहेका छन् । चापागाईले ११ हजार ५ सय ९२ मत पाएका छन । खाँण भन्दा चापागाई ३५७ मतले पछाडी परेका छन् ।
उप प्रमुख पदमा भने एमालेको तर्फबाट उम्मेदवार बनेकी जगेश्वरी दोब्बर बढीको अर्थात ५ हजार ५ सय ५५ मतले अगाडी छन् । एमालेकी जागेश्वरीदेवि चौधरीले ११ हजार २ सय ७० मत पाउदा उनका निकटतम प्रतिद्धन्धी गठबन्धन दलको तर्फबाट उम्मेदवार बनेका नेकपा माओवादी केन्द्रका हेमन्त पाण्डेको गोलाकार भित्र हँसिया हथौडामा ५ हजार ७ सय १५ मत प्राप्त भएको छ ।
तिलोत्तमा नगरपालिकामा हाल सम्म वडा नं १, २, ३ १५,१६र १७ नं वडाको अन्तिम परिणाम आई सकेको छ । ति वडा मध्ये वडा नं १ र १५ मा नेकपा एमालेले बिजय हासिल गरेको छ भने वडा नं २,३ १६ र १७ मा नेपाली कांग्रेसले विजय हासिल गरेको छ ।
प्रतिक्रिया