पेट्रोलियम पदार्थमा भएको मूल्यवृद्धि विरुद्ध राष्ट्रियसभामा जरुरी सार्वजनिक महत्वको प्रस्ताव दर्ता

खबर कुरा
११ जेष्ठ २०७९, बुधबार
                 

काठमाडौं । पेट्रोलियम पदार्थमा भएको मूल्यवृद्धि विरुद्ध प्रमुख प्रतिपक्षी दल नेकपा एमालेका सांसदहरुले राष्ट्रिय सभामा जरुरी सार्वजनिक महत्वको प्रस्ताव दर्ता गराएका छन् ।

प्रस्ताव दर्ता गराउँदै उनीहरुले मूल्यवृद्धिमाथि सभामा गम्भीर छलफलको माग गरेका छन् ।

राष्ट्रिय सभामा एमालेका प्रमुख सचेतक देवेन्द्र दाहाल प्रस्तावक रहेको सो प्रस्ताव राष्ट्रिय सभाका सचिव राजेन्द्र फुयाललाई बुझाइएको छ ।

उनीहरुले पेट्रोलियम पदार्थको मूल्य स्वचालित कार्यविधिअनुसार हरेक १५ दिनमा एकपटक मूल्य समायोजन गर्न सक्ने भएपनि एक हप्तामै २ पटक मूल्यवृद्धि गरिएको भन्दै आपत्ति जनाएका छन् । तत्काल मूल्यवृद्धि फिर्ता लिएर संसदमा मूल्यवृद्धि नियन्त्रणको प्रयासबारे सरकारले जानकारी गराउनुपर्ने उनीहरुले माग गरेका छन् ।

यसअघि हिजो प्रतिनिधिसभामा पनि जरुरी सार्वजनिक महत्वको प्रस्ताव दर्ता भएको छ ।

 

 

यसमा तपाइको मत

Your email address will not be published.


*