काठमाडौं । सरकारले मुस्ताङमा भएको तारा एयर दुर्घटनाको कारण पत्ता लगाउन छानविन आयोग गठन गरेको छ ।
आइतबार भएको जहाज दुर्घटनाको कारण पत्ता लगाउन संस्कृति, पर्यटन तथा नागरिक उड्डयन मन्त्रालयले आज पाँच सदस्यीय आयोग गठन गरेको हो । समितिको अध्यक्ष तथा इन्चार्जमा वरिष्ठ एरोनटिकल इन्जिनियर रतिशचन्द्र लाल सुमन छन् । अन्य सदस्यहरुमा क्याप्टेन दिपु ज्वार्चन, वरिष्ठ मेन्टिनेन्स इन्जिनियर उपेन्द्र लाल श्रेष्ठ, वरिष्ठ मौसमविद मणिरत्न शाक्य र मन्त्रालयका प्राविधिक सहसचिव वुद्धिसागर लामिछाने रहेका छन् ।
आयोगलार्य जहाज दुर्घटनाको कारण पत्ता लगाई भविष्यमा यस्ता घटना दोहोरिन नदिने उपाय सिफारिस गर्ने कार्यादेश दिइएको छ ।
आइतबार बिहान ९ बजेर ५५ मिनेटमा पोखराबाट जोमसोम जाँदै गरेको जहाज मुस्ताङको थासाङ २ को सानसुरे भन्ने स्थानमा दुर्घटनामा परेको थियो । सो जहाज आज बिहान दुर्घटनाग्रस्त अवस्थामा भेटिएको थियो । जहाजमा चालकदलका ३ जना सदस्यसहित १३ जना नेपाली, ४ जना भारतीय र २ जना जर्मन नागरिक थिए ।
उद्दारमा संलग्न टोलीले मृतक सबैको शव संकलन गरेको छ ।
प्रतिक्रिया