५ मंसिर २०८३, शनिबार | November 21, 2026

एनपीएल फाइनल : टस जितेर सुदूरपश्चिमले रोज्यो बलिङ, लुम्बिनीले पहिले ब्याटिङ गर्ने



काठमाडौं । नेपाल प्रिमियर लिग (एनपीएल) को तेस्रो संस्करणको उपाधिका लागि भइरहेको फाइनल खेलमा सुदूरपश्चिम रोयल्सले टस जितेर पहिले बलिङ गर्ने निर्णय गरेको छ । सुदूरपश्चिमले बलिङ रोजेपछि साविक विजेता लुम्बिनी लायन्सले पहिले ब्याटिङ गर्ने भएको छ ।

कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा जारी फाइनलमा दुवै टोली उपाधि जित्ने लक्ष्यसहित मैदानमा उत्रिएका छन् । टस जितेको सुदूरपश्चिमले लुम्बिनीलाई पहिले ब्याटिङको निम्तो दिँदै सुरुआतमै दबाब सिर्जना गर्ने रणनीति लिएको छ ।

फाइनलका लागि सुदूरपश्चिमले आफ्नो टोलीमा एक परिवर्तन गरेको छ । उसले फाबियन एलेनको स्थानमा सैफ जैबलाई पहिलो रोजाइमा समावेश गरेको छ । अन्य खेलाडीको संयोजन भने टोलीले यथावत् राखेको छ ।

यता, लुम्बिनी लायन्सले भने पहिलो क्वालिफायरमा खेलेकै टोलीलाई फाइनलमा निरन्तरता दिएको छ । पहिलो क्वालिफायरमा सुदूरपश्चिमलाई पराजित गर्दै फाइनलमा पुगेको लुम्बिनी सोही टोलीको प्रदर्शन दोहोर्‍याउने लक्ष्यमा छ ।

साविक विजेता लुम्बिनी लगातार दोस्रोपटक एनपीएलको उपाधि जित्ने लक्ष्यसहित मैदानमा उत्रिएको छ । पहिलो संस्करणको उपाधि जितेको लुम्बिनी यसपटक पनि च्याम्पियन बनेर आफ्नो उपाधि रक्षा गर्न चाहन्छ ।

अर्कोतर्फ, सुदूरपश्चिम लगातार तेस्रोपटक फाइनलमा पुगेको हो । अघिल्ला दुई संस्करणमा उपविजेतामा सीमित भएको सुदूरपश्चिम यसपटक उपाधि खडेरी तोड्दै पहिलोपटक च्याम्पियन बन्ने योजनामा छ ।

पहिलो क्वालिफायरमा लुम्बिनीसँग पराजित भएको सुदूरपश्चिमले दोस्रो क्वालिफायरमा चितवन राइनोजलाई हराउँदै फाइनलमा स्थान बनाएको थियो । त्यसैले यसपटक सुदूरपश्चिमसँग पहिलो क्वालिफायरको हारको बदला लिने र पहिलोपटक उपाधि उचाल्ने अवसरसमेत रहेको छ ।

लुम्बिनीका लागि उपाधि रक्षा गर्ने चुनौती छ भने सुदूरपश्चिमका लागि पहिलोपटक च्याम्पियन बन्ने अवसर दुवै टोलीको यही लक्ष्यका कारण तेस्रो संस्करणको एनपीएल फाइनललाई विशेष प्रतिस्पर्धाका रूपमा हेरिएको छ ।

प्रकाशित मिति : ५ मंसिर २०८३, शनिबार  ४ : ५८ बजे

Your email address will not be published.

दैलेखमा बन्चरो प्रहारबाट आमा र दुई छोराछोरीको मृत्यु, एक बालक गम्भीर घाइते

दैलेख । दैलेखको चामुण्डा बिन्द्रासैनी नगरपालिका–३, पानीखोलामा एक व्यक्तिले बन्चरो

एनपीएल फाइनल : टस जितेर सुदूरपश्चिमले रोज्यो बलिङ, लुम्बिनीले पहिले ब्याटिङ गर्ने

काठमाडौं । नेपाल प्रिमियर लिग (एनपीएल) को तेस्रो संस्करणको उपाधिका

प्रधानमन्त्रीको भारत भ्रमणमा राष्ट्रिय हितलाई प्राथमिकता दिन कांग्रेसको आग्रह

ललितपुर । नेपाली कांग्रेसले प्रधानमन्त्री वालेन्द्र शाहको मङ्सिर ६ गतेदेखि

मधेश प्रदेशको मुख्यमन्त्रीमा जसपा नेपालका यादव नियुक्त

जनकपुरधाम । मधेश प्रदेशको मुख्यमन्त्रीमा जनता समाजवादी पार्टी (जसपा) नेपालका

चुनावमा सामाजिक सञ्जाल र सूचना प्रविधिको प्रयोगलाई बढाउनुपर्छ : संयोजक प्रचण्ड

भक्तपुर । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले बदलिँदो