१६ चैत्र २०८०, शुक्रबार | March 29, 2024

चुनावको मुखमा आउने बजेट वितरणमुखी हुनु स्वाभाविक : आर्थिक मामिला मन्त्री खड्का



बुटवल । लुम्बिनी प्रदेशका आर्थिक मामिला तथा सहकारी मन्त्री कृष्णध्वज खड्काले चुनावको पूर्वसन्ध्यामा आउने बजेट स्वाभाविकरुपमा चुनावमुखी हुने बताएका छन् । आर्थिक वर्ष ७९र८०को बजेट सन्दर्भमा आज पत्रकारहरुसँगको अन्तरक्रियामा बोल्दै मन्त्री खड्काले चुनाव केन्द्रीत र बितरणमुखी बजेट भएको विपक्षीको आरोपलाई स्विकार गरे ।

उनले कतिपय गलत परम्पराका कारण आर्थिक सुधार गर्न नसकिएको बताउँदै सरकारको तलव पनि खाने र मन्त्रालयमै बसेको बैठक भत्ता पनि खाने प्रबृत्ति गलत भएको बताए । ‘मन्त्रालय वा राजधानी बाहिर जाँदा भत्ता लिनु जायज भएपनि मन्त्रालयमै बसेको बैठकको भत्ता बुझ्नु गलत हो ।’ उनले भने, ‘तर यो परम्परा रोक्न असम्भव छ ।’

उनले ठुला योजनाहरु कार्यान्वयन गर्न प्रदेश सरकारसँग अधिकार नै नभएको बताउँदै चाहेर पनि कतिपय योजनाहरुमा बजेट बिनियोजन गर्न नसकिएको बताए । ‘उद्योग खोल्नुस् भनिन्छ, तर जग्गा दिने अधिकार छैन, उद्योगलाई बिजुली दिने अधिकार छैन र करमा छुट दिने अधिकार छैन ।’ उनले गुनासो गरे ।

उनले आगामि आर्थिक बर्षको बजेटले निधौरण गरेका संकल्प पूरा गर्ने दावी गरे ।

आर्थिक बर्ष ०७९/८० को बजेटलाई जनतासँग जोडेर आर्थिक बृद्धिदर बढाउने, रोजगारी बृद्धि गर्दै नमूना विकास मोडेल बनाउने उनले बताए । आर्थिक मामिला मन्त्री खड्काले प्रदेशको आन्तरीक आम्दानी बढाउनेतर्फ पनि सरकारले ध्यान दिने बताए । उनले विकासको मोडेललाई नयाँ ढंगले अगाडी बढाउन जनतालाई जोडेर बजेट कार्यान्वयन गरिने बताए ।

पत्रकाहरुसँग गरिएको अन्तरक्रियामा मन्त्री खड्काले सरकारले आन्तरीक आम्दानी बृद्धिका लागि सवारी लाइसेन्स नविकरणमा एक वर्षको छुट, ढुंगा गिट्टी वालुवाको आम्दानी वापतको रकम स्थानीय तहले जम्मा नगरे समानीकरण अनुदान रोक्नेसम्म योजना अघि सारेर आन्तरीक आम्दानी बढाउने योजना रहेको बताए ।

कार्यक्रममा पत्रकारहरुले बजेटको बिबिध बिषयमा जिज्ञासा र सुझाव राखेका थिए । लुम्बिनी प्रदेश सरकारले केहि नयाँ कार्यक्रम सहित ४२ अर्ब ६३ करोड ५७ लाखको बजेट ल्याएको छ ।

प्रकाशित मिति : ३ असार २०७९, शुक्रबार  ११ : १४ बजे

कांग्रेस सांसद टेकबहादुर गुरुङको निलम्बन फुकुवा

काठमाडौं। नेपाली कांग्रेसका सांसद टेकबहादुर गुरुङको निलम्बन फुकुवा भएको छ

सुदूरपश्चिम सरकार छोड्न नाउपा अध्यक्ष रञ्जिताको लिखित निर्देशन

काठमाडौं । नागरिक उन्मुक्ति पार्टी (नाउपा)की अध्यक्ष रञ्जिता श्रेष्ठले सुदूरपश्चिम

लोकेश बमको शतकका बाबजुद आयरल्याण्ड वोल्भ्ससँग नेपाल पराजित

काठमाडौं। आयरल्याण्ड वोल्भ्सले नेपाल ए लाई पराजित गरेको छ ।

नेपाली सेनाको उच्चस्तरीय राष्ट्रिय सुरक्षा तालिम सम्पन्न

काठमाडौँ । रक्षा मन्त्रालय र नेपाली सेनाको संयुक्त आयोजनामा गत

निर्धारित लागत र समयभित्र आयोजना सम्पन्न हुनेछन् : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले ठूला आयोजनामा भएका कामकारबाहीको