बुटवल । नेवाः दय दबुको लुम्बिनी प्रदेश कमिटीले स्थानीय तहमा लुम्बिनी प्रदेशबाट विजयी हुन सफल नेवाः पालीका प्रमुख र उपप्रमुखहरुलाई सम्मान तथा बधाई ज्ञापन गरेको छ ।
प्रदेश कार्यालय बुटवलमा आज आयोजित कार्यक्रममा प्रदेशका बिभिन्न पालिका प्रमुख र उपप्रमुखलाई नेवाः दय दबुका पदाधिकारीहरुले सम्मान गरेका हुन् । बिजयी पदाधिकारीलाई दबुका अध्यक्ष बिजुला जोशी र केन्द्रीय पार्षद देवकुमार श्रेष्ठले दोसल्ला, माला, सगुन र प्रमाणपत्र सहित सम्मान प्रदान गरेका थिए ।
लुँिम्बनी प्रदेशमा ६ वटा पालिकामा प्रमुख र ४ वटा पालिकामा उप प्रमुख पदमा नेवाः समुदायको उम्मेदवारहरु विजयी भएका छन् । बर्दघाट नगरपालिकामा शम्भुलाल श्रेष्ठ, सन्धिखर्क नगरपालिकामा कृष्ण प्रसाद श्रेष्ठ, बुद्धभूमि नगरपालिकामा केशव श्रेष्ठ, तानसेन नगरपालिकामा सन्तोषलाल श्रेष्ठ मेयर पदमा विजयी भएका छन् भने गाँउपालिकामा तिनाउ गाँउपालिकामा प्रेम श्रेष्ठ र छत्रदेशव गाँउपालिकामा चन्द्रमान श्रेष्ण विजयी भएका छन् ।
त्यसैगरि उप प्रमुखमा राम्भा गाँउपालिमा राधा श्रेष्ठ, मल्लरानी गाँउपालिकामा रमेशकुमार श्रेष्ठ, ऐरावती गाँउपालिकामा कृष्ण श्रेष्ठ र मिग्दी गाँउपालिकामा तिथए कुमारी श्रेष्ठ विजयी भएका छन् ।
कार्यक्रममा बोल्दै छत्रदेव गाँउपालिकाका अध्यक्ष चन्द्रलाल श्रेष्ठले समुदायका लागि आउने कुनै पनि कामको कानुनसम्मत तरिकाबाट सम्बोधन गर्ने प्रतिबद्धता जनाए ।
दबुका केन्द्रिय पार्षद देवकुमार श्रेष्ठले नेवार बाहुल्य रहेका पालिका वा वडाहरुमा नेवा भाषालाई बिद्यालयमा ऐच्छिक बिषय बनाएर पठनपाठन गराउने व्यवस्था मिलाउन जन प्रतिनिधिहरुको ध्यानाकर्षण गरे ।
प्रतिक्रिया