काठमाडौं । नेकपा माओवादीका अध्यक्ष पुष्पकमल दाहाल प्रचण्ड र चिनियाँ कम्युनिष्ट पार्टी (सीपीपी)को विदेश विभाग प्रमुख लिउ जियाकाओबीच छलफल भएको छ ।
अध्यक्ष प्रचण्ड र सीपीपी विदेश विभाग प्रमुखबीच आज दिउँसो भर्चुअल माध्यमबाट छलफल भएको हो ।
केही महिनाअघि सोङ् ताओको कार्यकाल सकिएपछि सीपीसी विदेश विभागको मुख्य जिम्मेवारी लिउले सम्हालेका छन् । दुई नेताबीचको छलफलमा दुई देशबीचको सम्बन्ध र भूराजनीतिक अवस्थाका विषयमा छलफल भएको छ । यस्तै दुई कम्युनिष्ट पार्टीबीचको भाइचारा सम्बन्धलाई अझ मजबुद बनाउने विषयमा समेत छलफल भएको हुनसक्ने विश्लेषण गरिएको छ ।
अध्यक्ष प्रचण्डसँग चिनियाँ नेताहरुले बारम्बार छलफल गरिरहन्छन् । राष्ट्रपति सी चिङफिङलाई सबैभन्दा धेरै पटक भेटघाट गरेका प्रचण्ड र नेकपा माओवादीको चीन सरकार र चिनियाँ कम्युनिष्ट पार्टीसँग निकट सम्बन्ध रहेको छ ।
प्रतिक्रिया