कात्तिक अन्तिम या मंसिरको पहिलो साता संसदीय निर्वाचन गर्नेबारे गठबन्धनमा छलफल

खबर कुरा
१८ जेष्ठ २०७९, बुधबार
                 

काठमाडौं । सत्तारुढ गठबन्धनले आगामी कात्तिकको अन्तिम साता वा मंसिर पहिलो साता प्रतिनिधिसभा र प्रदेशसभा निर्वाचन गर्ने विषयमा छलफल अघि बढाएको छ ।

स्थानीय तह निर्वाचनको समीक्षा गर्न मंगलबार बसेको शीर्ष नेताहरुको बैठकमा आगामी संसदीय निर्वाचनको मितिबारे छलफल भएको हो। नेताहरुले कात्तिकको २७ गते या मंसिर ४ गते निर्वाचन गर्ने विषयमा छलफल गरेका हुन् ।

प्रधानमन्त्री निवास बालुवाटारमा बसेको बैठकमा निर्वाचनलाई पछि सार्न उपयुक्त नहुने विषयमा नेताहरु सहमत देखिएका थिए । निर्वाचनको घोषणा भने सरकारले निर्वाचन आयोगसँग छलफल गरेपछि मात्र हुनेछ । निर्वाचन गर्नका लागि आयोग पूर्ण रुपमा तयार रहनुपर्छ ।

पाँचवर्ष अघि २०७४ साल मंसिर ४ गते प्रतिनिधिसभा र प्रदेशसभा निर्वाचन सम्पन्न भएको थियो । सो निर्वाचनबाट सबैभन्दा ठूलो दल बनेको नेकपा एमालेका अध्यक्ष एवं संसदीय दलका नेता केपी शर्मा ओली माओवादी केन्द्रको समर्थनमा सोही सालको फागुन ३ गते प्रधानमन्त्री बनेका थिए ।

यसमा तपाइको मत

Your email address will not be published.


*