अवरुद्ध नारायणगढ-मुग्लिन सडक खुल्यो

चितवन । वर्षासँगै पहिरो खसेर अवरुद्ध भएको नारायणगढ(मुग्लिन सडकखण्ड पुनःसञ्चालनमा आएको छ ।

शुक्रबार राति ९ बजे चितवनको इच्छाकामना-६ तोपे खोलामा माथिबाट पहिरो खसी बाटो दुइतर्फी अवरुद्ध बनेको थियो ।

पहिरो हटाएर राति साढे १ बजेदेखि नै सडक पुनःसञ्चालन गरिएको जिल्ला प्रहरी कार्यालय चितवनका प्रवक्ता प्रहरी नायब उपरीक्षक नरहरि अधिकारीले जानकारी दिए ।