पहिरोले अवरुद्ध कालीगण्डकी करिडोर खुल्यो

खबर कुरा
३१ जेष्ठ २०७९, मंगलवार
                 

रामपुर । पहिरो खसेपछि अवरुद्ध बनेको कालीगण्डकी करिडोर सडकखण्ड सञ्चालन भएको छ ।

पाल्पाको रामपुुर नगरपालिका-१ स्थित स्याउलीबजार नजिकै पहिरो खस्दा आइतबार दिउँसो ३ बजेदेखि अवरुद्ध बनेको सडक सञ्चालनमा आएको हो ।

करिडोरअन्तर्गतको निर्माणाधीन कालीगण्डकी पक्की पुल नजिकै स्याउलीबजारदेखि तिरतिरेधाराको बीच भागमा खसेको पहिरो सोमबार बिहान १० बजेदेखि हटाउने काम भएको थियो ।

करिब सात घण्टा लगाएर पहिरो हटाइएको प्रहरीले जनाएको छ । पहिरो पन्छाएपछि बाटोमै रोकिएका सवारी साधन आफ्नो गन्तव्यतर्फ लागेका छन् ।

सडक अवरुद्ध हुँदा रामपुरदेखि काठमाडौं, वीरगञ्ज, नारायणगढ, कावासोतीलगायतका लागि छुटेका गाडी र काठमाडौं, वीरगञ्ज, नारायणगढ, कावासोतीलगायतका ठाउँबाट रामपुर आउँदै गरेका गाडीमा सवार यात्रुहरु अलपत्र परेका थिए ।

यस क्षेत्रमा पटक पटक माथिबाट पहिरो खसेर सडक अवरुद्ध हुने गरेको छ ।

यसमा तपाइको मत

Your email address will not be published.


*