लुम्बिनी प्रदेशकी स्वास्थ्य राज्यमन्त्री प्रहरी नियन्त्रणमा, उद्दार गरेर ल्याएको प्रहरीको भनाई

खबर कुरा
३१ जेष्ठ २०७९, मंगलवार
                 

दाङ । लुम्बिनी प्रदेशकी स्वास्थ्य राज्यमन्त्री विमलाकुमारी वलीलाई स्थानीय महिलाहरुले घेरा हालेपछि प्रहरीले उद्दार गरेको छ ।

गृह जिल्ला दाङ पुगेकी राज्यमन्त्री वलीले तुलसीपुर उपमहानगरपालिका-५ बसपार्क स्थित एकराज बस्नेतको घरमा पुगेर उनको श्रीमती र छोरीलाई हातपात गरेको भन्दै महिलाहरुले वलीलाई घेराबन्दी गरेर राखेकोमा प्रहरी पुगेर उद्दार गरेको दाङ प्रहरीले जनाएको छ ।

महिलामाथि हातपात भएको र सोही शिलशिलामा स्थानीयले राज्यमन्त्रीलाई घेरेर राखेको खबर पाए लगत्तै प्रहरी पुगेर उद्दार गरेको दाङका प्रहरी प्रमुख सुरेश काफ्लेले जानकारी दिए ।

घटनाको पूर्ण विवरण आइनसकेको प्रहरीले जनाएको छ । राज्यमन्त्री ओली अहिले तुलसीपुर स्थित प्रहरी कार्यालयमा छिन् ।

गत वर्ष भदौमा  फेसबुकमा एकराजलाई चुम्बन गरेको फोटो सार्वजनिक भएको थियो । उक्त फोटोसहित समाचार प्रकाशित भएपछि उनले तस्वीर एडिट गरिएको र एकराज आफ्नो भाइ पर्ने दावी गरेकी थिइन्।

यसमा तपाइको मत

Your email address will not be published.


*