पाल्पाका १४ वर्षिया किशोरी बलात्कृत, बलात्कारको अभियोगमा ७ दिन पछि विष्णुबहादुर पक्राउ

खबर कुरा
३१ जेष्ठ २०७९, मंगलवार
                 

बुटवल । पाल्पाको रिब्दिकोटका एक जना पुरुष बलात्कार गरेर फरार भएको ७ दिन पछि पक्राउ परेका छन् । १४ वर्षिया किशोरीलाई बलात्कार गरेर फरार रहेका पाल्पा रिब्दिकोट १ ख्या घरभई हाल तानसेनमा बस्दै आएका ३९ वर्षिय विष्णुबहादुर बिकलाई पाल्पा प्रहरीले पक्राउ गरेको हो ।

जेठ २३ गते दिउँसो १ बजेको समयमा रिब्दिकोट २ सानो दमक नजिकको खोल्सामा बलात्कार गरि फरार भएका बिकलाई सोमबार राती १० बजे रिब्दिकोट ६ तल्लो तालबाट पक्राउ गरिएको पाल्पा प्रहरीले जनाएको छ ।

बलात्कृत किशोरीको आमाले दिएको किटानी जाहेरीका आधारमा बिकलाई मुझुङ प्रहरीले पक्राउ गरि जिल्ला प्रहरी कार्यालय पाल्पा बुझाएको पाल्पा प्रहरी प्रवक्ता डीएसपी बिरेन्द्र थापाले जानकारी दिए ।

पक्राउ परेका बिकलाई जबर्जस्ती करणी अभियोगमा अनुसन्धान भइरहेको प्रहरीले जनाएको छ ।

 

यसमा तपाइको मत

Your email address will not be published.


*