बैङ्किङ कसुर गरि गुल्मीबाट फरार अभियुक्त बुटवलमा पक्राउ

खबर कुरा
१७ असार २०७९, शुक्रबार
                 

बुटवल । पैसा नभएको खाताको चेक दिएर गुल्मीबाट फरार भएका एकजनालाई बुटवल प्रहरीले पक्राउ गरेको छ । एकजना महिलालाई चेक दिएर फरार भएका साबिक गुल्मी पल्लिकोट र हाल छत्रकोट २ घर भई रुपन्देहीको तिलोत्तमा १ मा बस्दै आएका ३९ वर्षिय हेम बहादुर थापालाई बैङ्किङ कुसुर अभियोगमा प्रहीले पक्राउ गरेको हो ।

गुल्मी घर भई हाल रुपन्देही बस्दै आएकी एकजना महिलाको उजुरीका आधारमा थापालाई पक्राउ गरिएको इलाका प्रहरी कार्यालय बुटवलका प्रमुख डीएसपी ठगबहादुर केसीले जानकारी दिए । थापालाई रुपन्देहीको योगकुटीबाट पक्राउ गरिएको उनले बताए ।

महिलाको किटानी जाहेरीका आधारमा पक्राउ परेका थापा माथि अनुसन्धान भईरहेको प्रहरीले जनाएको छ ।

यसमा तपाइको मत

Your email address will not be published.


*