हरेक नागरिकको पूर्ण विवरण सरकारसँग हुनै पर्छ : गृहमन्त्री खाँण

बुटवल । लुम्बिनी प्रदेशको तिलोत्तमामा २ दिन देखि जारी व्यक्तिगत घटना दर्ता तथा सामाजिक सुरक्षा व्यावस्थापन प्रणाली सम्बन्धि प्रशिक्षण कार्यक्रम सम्पन्न भएको छ।

राष्टिय परिचयपत्र पञ्जीकरण विभाग सिंहदरबार, काठमाडौंको सहयोगमा संचालन भएको प्रशिक्षण कार्यक्रमको समापन समारोहलाई सम्बोधन गर्दै संघीय सरकारका गृहमन्त्री बालकृष्ण खाँणले हरेक नागरिकको विवरण सरकारसँग हुनु पर्ने धारणा राखे ।

गृहमन्त्री खाँणले नागरिकको सामाजिक सुरक्षा पुरा गर्ने दायित्व सरकारको भएको बताउँदै नागरिकको दायित्य पुरा गर्न पनि हरेका नागरिकको पूर्ण विवरण सरकारसँग हुनु पर्ने बताए ।

उनले सरकारले भर्खरै जन्मिएका बच्चा देखि बृद्ध अबस्थाका नागरिकहरुको विवरणको तथ्याङ्क संकलन गरिरहेको अबस्थामा स्थानीयतह देखि भरपर्दो उच्च प्रविधिको उचित प्रयोग गरि सत्यतथ्य नागरिकको विवरण सरकार समक्ष पु¥याउने कार्यमा सरकारलाई सहयोग गर्न स्थानीयतहका जनप्रतिनिधिहरुलाई आग्रह गरे ।