तिनाउ नदीले बगाउँदा एक भारतीय युवकको मृत्यु, एक बेपत्ता

बुटवल । भारतबाट सिद्धबाबा दर्शन गर्न आएका दुई युवकको तिनाउ नदीले बगाएकोमा एकजनाको मृत्यु भएको र एक जना बेपत्ता भएका छन् । । आईतबार सिद्धबाबा मन्दिरको दर्शन गरेर झोलुङ्गे पुलमा पौडी खेल्न पुगेका भारत उत्तर प्रदेश दाहोरिया गोरखपुरका १८ वर्षिय नन्दकुमार निसाद र सनि कुमारलाई तिनाउ नदीले बगाएकोमा नन्दकुमार मृत अवस्थामा फेला परेका छन् भने सनि कुमार बेपत्ता भएका छन् ।

नदीले बगाएको खबर प्राप्त भए लगत्तै पाल्पाको दोभान प्रहरीले खोजतलास गर्दा निसादको शव बुटवल १९ लाफाचौरमा फेला परेको पाल्पा प्रहरीले जनाएको छ । नदीमा बेपत्ता भएका सनिको खोजी भईरहेको प्रहरीले जनाएको छ ।

६० जनाको समुहमा भारतबाट नेपाल घुम्न आएका समुहबाट केही युवाहरु सिद्धबाबा नजिकैको झोलुङ्गे पुल मुनी पौडी खेल्न गएका थिए ।