काठमाडौं । आईसीसी विश्वकप लिग २ को तयारीस्वरुप आज नेपाल र क्यानडाले प्रतिष्पर्धा गर्दैछन । खेल नेपाली समयानुसार राति ९ः४५ बजे शुरु हुनेछ ।
स्कटल्याण्डमा आयोजना हुन लागेको एक दिवसीय श्रृंखलाको तयारीका लागि सन्दीप लामिछानेको कप्तानीमा रहेको नेपाली टोलीले एक हप्ताअघिबाट क्यानडामा अभ्यास गरिरहेको छ ।
क्यानडा भ्रमणमा यसअघि नेपालले स्थानीय क्लव ओन्टारियोबिरुद्ध एक एकदिवसीय र एक टि २० खेलेको थियो । जसमा नेपालले जित हात पारेको थियो ।
क्यानडाको राष्ट्रिय टिमसँग आज र भोलि (बुधवार) दुई एकदिवसीय अभ्यास खेल्नेछ । त्यसपछि क्यानडाबाट नै नेपाली टोली स्कटल्याण्डमा आयोजना हुने आईसीसी पुरुष विश्वकप लिग टूको लागि प्रस्थान गर्नेछ ।
स्कटल्याण्डमा नेपालले समूहमा बलियो मानिएका दुई टिम आयोजक स्कटल्याण्ड र नामिबियासँग प्रतिष्पर्धा गर्नेछ ।
प्रतिक्रिया