१५६ सदस्यीय बन्यो माओवादीको पोलिटव्यूरो

काठमाडौं । नेकपा माओवादी केन्द्रको पोलिटव्यूरो समिति १५६ सदस्यीय बनेको छ ।

काठमाडौंको कमलादीस्थित प्रज्ञा प्रतिष्ठानको सभाहलमा जारी केन्द्रीय समिति बैठकले १५६ सदस्यीय पोलिटव्यूरो बनाउने प्रस्ताव गरिएको छ ।
अध्यक्ष पुष्पकमल दाहाल प्रचण्डले पहिला पढेको पोलिटव्यूरोको दुई वटा लिष्टलाई लिएर केन्द्रीय सदस्यहरुले आपत्ति जनाएपछि बैठक नै रोकिएको थियो ।

एकघण्टापछि पुनः सुचारु भएको बैठकमा प्रचण्डले सूची सच्चाउँदै १२५ जना पूर्ण र ३१ जना वैकल्पिक सदस्य रहने गरी १५६ सदस्यीय पोलिटव्यूरोको प्रस्ताव गरेका हुन् ।

नयाँ सूची पढ्दै प्रचण्डले सिनियर दुईपटक केन्द्रीय सदस्य भएकाहरुलाई पोलिटव्यूरोमा समावेश गरिएको बताएका छन् । उनले वैकल्पिकमा समेत ल्याएर नेताहरुको व्यवस्थापन गर्ने आश्वासन दिए ।