बुटवलमा ठेकेदारको कम्पाउण्ड भित्र कामदारको शव

बुटवल । बुटवल उपमहानगरपालिका ११ मा रहेको निर्माण व्यवसायीको कम्पाउण्ड भित्र एक मजदुरको शव फेला परेको छ । बुटवल रङ्गशाला नजिक किरातेश्वर मैनाचुली अबिसा जेभी कन्ट्रकशनको कम्पाउण्ड भित्र सोही कम्पनीमा काम गर्ने मजदुरको शव फेला परेको हो । दाङको घोराही नगरपालिका ५ का ५२ वर्षीय रमेश डाँगी कम्पनीकै क्याम्प भित्र मृत फेला परेको प्रहरीले जनाएको छ ।

बिहीबार दिउँसो डाँगीको शव फेला परेपनि स्थानीयले प्रहरीले केही ढिला गरि खबर गरेको वडा प्रहरी कार्यालय बुटवलका प्रमुख प्रहरी निरीक्षक पुष्करसिं ऐरेले बताए । प्रहरीका अनुसार मृतक डाँगी सोही क्याम्पको रेखदेख गर्ने मजदुर हुन् ।

मृतकको शव पोष्टमार्टमका लागि लुम्बिनी प्रादेशिक अस्पतालमा राखिएको छ । घटनाको अनुसन्धान भैरहेको ऐरले बताए ।