जुम्लाको आचार्यलिहिको विद्युत गृहमा पहिरो, चौकीदारका श्रीमतीसहित दुई छोराको मृत्यु

खबर कुरा
३१ असार २०७९, शुक्रबार
                 

जुम्ला । जुम्लाको हिमा गाउँपालिका वडा नम्वर १ आचार्यलिहिको भित्रिखोला लघु जलविद्युतको विद्युत गृहमा पहिरो जाँदा एकै परिवारका तीन जनाको मृत्यु भएको छ ।

गएराति ११ बजे विद्युत गृह माथि बाट खसेको पहिरोमा परि अपरेटर गोरख बहादुर रावतकि श्रीमती र दुई जना छोराको मृत्यु भएको हो ।

अपरेटर रावत गाउँ गएको बेला एक्कासि आएको पहिरोबाट उनकि ३१ वर्षिया श्रीमती विमला रावत, ९ वर्षिय छोरा भरत रावत र ७ वर्षिय छोरा सुर्य रावतको घटनास्थलमै मृत्यु भएको बड्की प्रहरी चौकिका राम प्रसाद चौंलागाईले जानकारी दिए ।

विद्युतको ट्याङ्कीमा पानी ओभरलोड भएपछि विद्युत गृहमाथि खस्दा पहिरो आएको उनले बताए । अपरेटर विद्युत मर्मतका लागि गाउँ पुगेकोले उनी बाँच्न सफल भए, तर श्रीमतीसहित तिनजना गुमाए । राति ११ बजे झ्याप्प बत्ती गएपछि, अपरेटर हतार हतारमा विद्युत गृहमा पुगे, पहिरो आएको देखेपछि अत्तालियर उद्दारका लागि अनुरोध गर्न गाउँ पुगे, तर तिनै जनाको मृत्यु भइसकेको रहेछ ।

यसमा तपाइको मत

Your email address will not be published.


*