गर्भनर विरुद्धको प्रदर्शनमा प्रहरी हस्तक्षेप

काठमाडौं । नेपाल विद्यार्थी संघ र अखिल क्रान्तिकारीले गभर्नर महाप्रसाद अधिकारीको राजीनामा माग्दै गरेको प्रदर्शनमा प्रहरीले हस्तक्षेप गरेको छ ।

बालुवाटारस्थित नेपाल राष्ट्र बैंकको केन्द्रीय कार्यालयमा धर्ना दिन पुगेका विद्यार्थीहरुमाथि प्रहरीले हस्तक्षेप गरेको हो । प्रहरीले प्रदर्शन र धर्ना रोक्न धरपकड गरेको छ । केही प्रदर्शनकारीलाई प्रहरीले नियन्त्रणमा लिएको छ ।

बिहान १० बजे आयोजित प्रदर्शन रोक्न राष्ट्र बैंक वरपर ठूलो संख्यामा प्रहरी तैनाथ गरिएको थियो ।

शान्तिपूर्ण प्रदर्शन र धर्नामा प्रहरीले हस्तक्षेप गरेको भन्दै प्रदर्शनकारी विद्यार्थीहरुले गभर्नर अधिारी र प्रहरी विरुद्ध नारावाजी गरेका थिए । प्रदर्शनकारीले निषेधित क्षेत्र तोड्न खोजेपछि प्रहरीले हस्तक्षेप गरेको हो ।

प्रहरी हस्तक्षेपपछि पनि उनीहरुले केही बेर प्रदर्शन जारी राखेका थिए ।