पाल्पा । पाल्पाको तानसेनमा ३ वर्षिया बालिकामाथि बलात्कारको प्रयास भएको छ । तानसेन नगरपालिका ३ मा नाबालिकालाई करेसाबारीमा लगेर बलात्कारको प्रयास भएको पाल्पा प्रहरीले जनाएको छ ।
तानसेन ६ माथिल्लो कुनसरेका ११ बर्षिय बालकले तानसेन ३ मा आज बिहान ७ बजे करेसाबारीमा लगेर ३ वर्षिया नाबालिकामाथि बलात्कार प्रयास गरेको भन्ने उजुरीका आधारमा बालकलाई नियन्त्रणमा लिई अनुसन्धान सुरु गररेको पाल्पा प्रहरी प्रवक्ता डीएसपी बिरेन्द्र थापाले जनाएका छन् ।
नाबलिकाकी आमाले नाबालिकामाथि बलात्कारको प्रयास भएको भन्दै किटानी उजुरी दिएपछि प्रहरी चौकी बर्तुङ र जिल्ला प्रहरी कार्यालय पाल्पाको संयुक्त टोलिले बालकलाई नियन्त्रणमा लिएर अनुसन्धान शुरु गरिएको डीएसपी थापाले बताए ।
प्रतिक्रिया