खेलकुद मन्त्री गहतराजले गरे मुलपानी रंगशालाको अनुगमन

युद्धस्तरमा निर्माणकार्य अगाडी बढाउन निर्देशन
खबर कुरा
२ श्रावण २०७९, सोमबार
                 

काठमाडौं । युवातथा खेलकुद मन्त्री महेश्वर गहतराज (अथक) ले निर्माणाधिन मुलपानी अन्तर्राष्ट्रिय क्रिकेट रंगशालाको अनुगमन गरेका छन् । निरिक्षणकालागि सोमबार बिहान मुलपानी पुगेका मन्त्री गहतराजले निर्माणाधिन रंगशालाको निर्माण कार्य युद्धस्तरमा अघि बढाउन निर्देशन दिएका छन् ।

आगामी २ वर्ष भित्रै सम्पन्न हुने गरी निर्माण कार्य अगाडी बढाउन निर्देशन दिदैं उनले गुणस्तरियताका लागि प्राविधिक पाटोलाई समेत ख्यालगर्नुपर्ने बताए ।

मन्त्रालयका सचिव डा. दामोदर रेग्मी र राष्ट्रिय खेलकुद परिषदका सदस्य सचिव टंकलाल घिसिङसहित रंगशालाको निरिक्षणमा पुगेका मन्त्री गहतराजले खेलकुदलाई उद्योगको रुपमा विकास गर्नुपर्ने बताउँदै त्यसकालागि सबै खेलप्रेमीको इमान्दार प्रयासको आवश्यकता रहेको बताए ।

अनुगमन तथा निरक्षणका क्रममा उनले त्यहाँ अभ्यासरत खेलाडीहरुसँग भेटघाट गरी उनिहरुको हौसलासमेत बढाएका थिए ।

यसमा तपाइको मत

Your email address will not be published.


*