बुटवल । अर्घाखाँचीको सितगंगा १२ स्थित कोन्द्रेखोलामा पौडी खेल्ने क्रममा रुपन्देही बेलबासका २० वर्षिया युवकको मृत्यु भएको छ ।
कोन्द्रखोलामा पौडि खेल्ने क्रममा अर्घाखाँची मालारानी ४ मखता घर भई हाल रुपन्देही जिल्लाको बेलबासमा बसोबास बिक्रम खनालको मृत्यु भएको अर्घाखाँची प्रहरीले जनाएको छ ।
पौडि खेल्ने क्रममा पानीमा डुबि बेपत्ता भएका खनाललाई ईलाका प्रहरी कार्यालय ठाडाका प्रहरी निरीक्षक होमनाथ रेग्मीको कमाण्डमा टोलिले बेहोस अवस्थामा उद्दार गरि उपचारको लागी सामुदायिक अस्पताल ४ नम्बर कपिलबस्तु पठाईएकोमा शनिबार ५ बजे उपचारको क्रममा मृत्यु भएको जिल्ला प्रहरी कार्यालय अर्घाखाँचीका प्रवक्ता प्रहरी निरीक्षक निरोज चौलागाईले बताए । शव पोष्टमार्टमका लागि लुम्बिनी प्रादेशिक अस्पताल बुटवल पठाइएको चौलागाईंले बताए ।
प्रतिक्रिया